Inflation rate para sa buwan ng Oktubre nanatili sa 6.7 percent

Nanatili sa 6.7 percent ang inflation level sa 6.7 percent para sa October 2018, kapantay ng naitalang inflation rate noong nagdaang buwan ng Setyembre.

Nananatili itong pinakamataas sa nakalipas na siyam na taon.

Ayon kay National Statistician Lisa Grace Bersales, ang October inflation rate sa Metro Manila ay bahagyang bumaba sa 6.1% year-on-year kumpara sa 6.3% noong Setyembre.

Gayunman, malaki ang itinaas ng Metro Manila inflation kung ikukumpara sa parehong petsa noong nakaraang taon, o noong October 2017 na mayroon lamang 4.3%.