Guimbal, Iloilo niyanig ng magnitude 4.8 na lindol

Niyanig ng magnitude 4.8 na lindol ang bayan ng Guimbal sa lalawigan ng Iloilo.

Naganap ang lindol alas 10:54 ng umaga ng Lunes, Nov. 5 sa 5 kilometers northwest ng Guimbal.

Ayon sa Phivolcs, 3 kilometers lang ang lalim ng lindol at tectonic ang origin.

Dahil sa nasabing pagyanig naitala ang Intensity IV sa Iloilo City at Intensity II naman sa Cebu City.

Bago ito dalawang may kalasakang pagyanig na ang naitala na kapwa naramdaman sa Iloilo City.

Ito ay ang magnitude 4.7 na naitala sa San Jose, Antique, alas 7:45 ng umaga at ang magnitude 4.0 na lindol sa Sibunag, Guimaras alas 7:46 ng umaga.