(UPDATE) Kinumpirma ng Department of Labor and Employment (DOLE) ang P25 na wage increase para sa mga minimum wage earners sa National Capital Region (NCR).
Sinabi ni Bello na ang P25 na dagdag sa minimum wage sa NCR ay inaprubahan ng wage board.
Magiging epektibo ang dagdag sweldo, 15-araw matapos maisapubliko ang kautusan.
Dahil sa dagdag sahod, ang minium wage sa mga manggagawa sa Metro Manila ay maglalaro na sa pagitan ng P500 hanggang P537.
Ipinaliwanag naman ni National Wages and Productivity Commission (NWPC) Executive Director Maria Criselda Sy na kung tataasan pa ang dagdag sahod ay maaring lalong makaapekto sa inflation.
Kung sa ngayon aniya ay nasa 6.7 percent ang level ng inflation, ay maaring mahigitan pa ito kung mas mataas pa sa P25 ang ibibigay na wage increase.
Maari ding magresulta ng layoff sa mga manggagawa kung sobrang taas ang wage hike na ipatutupad.