Residential area sa Pandacan, Maynila nasunog

(Updated as of 1:30am) Tinupok ng apoy ang isang residential area sa West Zamora Street, Pandacan sa Maynila ngayong gabi.

Sa impormasyon mula sa Bureau of Fire Protection – Manila nagsimula ang sunog bago mag alas-10:00 ng gabi.

Itinaas naman sa ikatlong alarma ang sunog alas-10:20 ng gabi.

Sinasabing nagsimula ang apoy sa ikalawang palapag ng isa sa mga bahay.

Alas-12:57 ng madaling araw nang tuluyang maapula ng mga bumbero ang sunog.

Patuloy na inaalam ang sanhi ng sunog at halaga ng pinsala nito sa ari-arian.