Matapos ang isyu ng physical abuse, Janella Salvador at Elmo Magalona muling nagkasama

Muling nagkasama sina Janella Salvador at Elmo Magalona isang linggo matapos ang kotrobersyal na isyu ng physical abuse.

Sa video na ibinahagi sa Facebook ng “One Magical Night” magkasama ang dalawa habang inaanyayahan ang mga Pinoy sa Canada na panoorin ang kanilang concert.

Kasama ng “ElNella” sa video ang “KathNiel”.

May inilabas ding larawana ng Star Magic sa kanilang Instagram na magkakatabi ang apat.

Sina Janella at Elmo ay bahagi ng show sa Canada na magaganap sa Calgary, Vancouver at Toronto.

Noong October 24 nagsalita sa isang panayam si Janella at ibinunyag ang pananakit sa kaniya ni Elmo.

Dalawang beses umanong nangyari ang insidente ng pananakit.