Patay sa bagyong Rosita umakyat na sa 15 – NDRRMC

Umabot na sa 15 ang iniwang nasawi ng bagyong Rosita ayon sa datos ng National Distaster Risk Reduction and Management Council o NDRRMC.

Ang 6 sa mga nasawi ay mula sa landslide na naganap sa Natonin, Mountain Province; 6 sa landslide sa Banaue, Ifugao; 2 sa landslide sa Tinglayan at 1 ang nalunod sa Abra.

Ayon kay NDRRMC Executive Director Ricardo Jalad maaring madagdagan pa ang bilang ng nasawi dahil may mga nawawala pang indibidwal.

Inaalam pa rin ng NDRRMC ang kabuuang halaga ng pinsala sa agrikultura at imprastraktura ng bagyong Rosita.