Drug suspek patay sa buy bust sa Bulacan

Nasawi ang isang drug suspek matapos manlaban sa mga pulis sa Barangay Pandayan, Meycauayan, Bulacan.

Kinilala lamang ang suspek sa alyas na Empoy.

Ayon kay Bulacan Provincial Police chief, Senior Superintendent Chito Bersaluna, matapos magkaabutan si alyas Empoy at pulis na nagpanggap bilang poseur buyer at tangkang aarestuhin ang suspek ay bumunot ito ng baril.

Pinaputukan ni alyas Empoy ang mga otoridad na silang gumanti ng putok na ikinasawi nito.

Narekober sa pinangyarihan ng insidente ang isang kalibre .38 baril at isang sachet ng shabu.