Cebu Pacific, nagkansela ng mga biyahe dahil sa pinsala ng Bagyong Rosita

By: Rhommel Balasbas - 6 years ago

Kinansela ng Cebu Pacific ang ilang mga flights nito bunsod ng pinsala na idinulot ng Bagyong Rosita.

Sa isang advisory, sinabi ng airline na suspendido ang operasyon sa Cauayan Airport sa Isabela.

Suspendido ang sumusunod na flights:

5J 196 Manila-Cauayan – 07:00 a.m.- 08:10 a.m.
5J 197 Cauayan -Manila – 09:15 a.m.- 10:20 a.m.

Ayon sa Cebu Pacific, iaanunsyo nila ang posibleng pagbabalik ng flights patungo at paalis ng Cauayan sa Sabado.

Samantala, ngayong araw suspendido rin ang sumusunod na biyahe papunta at paalis ng Basco, Batanes.

DG 6009/DG 6010 Manila-Basco-Manila

Magkakaroon ng recovery flights papunta at paalis ng Basco bukas at sa Sabado.

Mayroon namang opsyon ang mga pasahero na magrebook, magrefund o hindi kaya ay gamitin ang kanilang ibinayad bilang Travel Fund para sa biyahe sa hinaharap.