Bentahan ng kandila at bulaklak matumal sa Manila North Cemetery

Nananatili ang presyo ng mga bulaklak at kandila na ibinibenta sa labas ng Manila North Cemetery.

Ayon sa isang tindera, hindi pa rin kasi nagbababa ng presyo sa Dangwa, kaya naman hindi nila magawang bawasan ang halaga ng kanilang tinda.

Ngunit pagtitiyak nito, hindi naman na tataas pa ang bentahan nila ng mga bulaklak at kandila.

Ang maliit na boquet ay nagkakahalaga ng P100 kada tatlong piraso, habang ang mga naka-basket naman ay mula P100 hanggang P250 depende sa laki.

Para naman sa kandila, ang mga maliliit at vigil candles ay mabibili ng P20 kada tatlong piraso. Habang ang sperma naman ay naglalaro sa pagitan ng P100 hanggang P150 depende sa dami at laki.