1 patay makaraang makuryente sa Tarlac sa kasagsagan ng bagyong Rosita

Isang ang nasawi sa lalawigan ng Tarlac makaraang makuryente sa kasagsagan ng pananalasa ng bagyong Rosita.

Ayon kay Engineer Genesis Santiago ng Municipal Disaster Risk Reduction and Management Office (MDRRMO) ng bayan ng San Clemente, tinutulungan ng biktima ang isang lalaki na natumba ang motorsiklo.

Mayroon ding natumbang poste sa lugar na naging dahilan ng pagkaka-kuryente ng biktima.

Nangyari ang insidente alas 5:00 ng umaga ng Martes habang nararanasan sa bayan ang malakas na hangin dulot ng bagyo.

Malubha namang nasugatan ang motorcycle rider at ngayon ay kritikal ang kondisyon sa ospital.