Sa kanilang petition for mandamus, sinabi nina Atty. Lemuel Baligod at Ferdinand Tecson na dapat umaksyon ng Mataas na Hukuman para utusan ang National Telecommunications Commission (NTC) na i-revoke ang nasabing kasunduan.
Dahil sa paggamit ng PLDT/Smart at Globe sa nasabing frequency ay nagkaroon ng duopoly sa larangan ng telecom industry sa bansa ayon sa petitioners.
Ipinaliwanag pa nina Baligod na libreng naibigay ng gobyerno ang 700 Mhz frequency bagay na dapat ay hindi ginawa ng estado ayon sa kanilang petisyon sa Supreme Court.
Malinaw naman ayon sa mga nagpetisyon na walang ginawang improvements ang Smart at Globe para mapabuti ang kanilang serbisyo gamit ang nasabing frequency.
Noong 2016 ay inaprubahan ng NTC ang hatian ng Smart at Globe sa 700 MHz spectrum.
Ibinigay ng NTC sa Globe ang paggamit sa 703 hanggang sa 720.5 at 758 hanggang 775.5 MHz frequencies.
Samantalang ang Smart naman ay pinayagang gamitin ang 720.5 hanggang 738 at 775.5 hanggang 793 MHz frequencies.
Laman ng kasunduan na gagamitin ng nasabing telcos ang 700 Mhz para sa mas mabilis at higit na murang data connection para sa kanilang mga subscribers pero sila ay nabigo.
Ang 700 Mhz frequency ay dating pag-aari ng San Miguel Corporation bago napunta sa Globe at Smart na subsidiary ng PLDT.
Ang nasabing P69 Billion deal ay naselyohan sa pamamagitan ng NTC noong 2016.