Bangkay ng lalaki natagpuan sa Batangas

Nakabalot ng plastic at duct tape ang mukha ng isang lalaki nang matagpuan ang kanyang walang buhay na katawan sa bayan ng Balete sa Batangas.

Sa ngayon ay hindi pa nakikilala ang biktima na walang suot na damit pang-itaas at nakasuot ng maong na shorts nang makita.

Nabatid na mayroong mga pasa at sugat sa dibdib ang lalaki, bukod pa sa isang tama ng bala sa kanyang dibdib.

Humihingi ng tulong ang Balete Municipal Police sa publiko tungkol sa sinumang mayroong impormasyon sa krimen.

Sa ngayon ay wala pa ring nakakakilala sa lalaki na tinatayang nasa pagitan ng 40 hanggang 50 taong gulang.