Sumuko sa mga sundalo ang siyam na miyembro ng Islamic State-linked na Bangsamoro Islamic Freedom Fighters (BIFF).
Ayon kay Lt. Col. Harold Cabunoc, commander ng 33rd IB, sumuko ang siyam na rebelde sa kanilang headquarters sa bayan ng Gen. Salipada K Pendatun.
Ang mga sumuko ay pinamumunuan ni Datu Parido Balabagan alyas Commander Banog.
Ani Cabunoc, si Commander Banog nakipag-usap sa kaniya para sa proseso ng pagsuko.
Malaki aniya ang ginampanan ng pamilya ni Commander Banog para mahikayat siyang magbalik-loob sa gobyerno.
Kasama ring isinuko ang siyam na matataas na kalibre ng baril, kabilang ang dalawang cabiber 50 sniper rifles, tatlong rocket-propelled grenade launchers, isang caliber 5.56mm M653 assault rifle, isang caliber 7.62mm M14 rifle, at dalawang 40mm M79 grenade launchers.