Arestado ang tatlong katao kabilang ang isang dating miyembro ng Philippine Army sa ikinasang buy-bust operation sa parking area ng isang mall sa Paranaque.
Ikinasa ng mga tauhan ng regional special operation unit at regional drug enforcement unit ng NCRPO ang operasyon laban kay John Wyn Arnaiz alyas bosing at isang dating sundalo.
Ginawa ang operasyon sa 4th level parking ng SM Sucat Paranaque kung saan isang pulis ang nagpanggap na bibili ng shabu kay Arnaiz.
Nang magpositibo ang bentahan agad dinakip si Arnaiz at dalawang kasama nito na sina Joseph Cabatbat at Valentin Arnaiz.
Nakuha sa mga suspek ang 200 gramo ng shabu na tinatayang aabot sa P1.3 million ang halaga, isang caliber 35 na baril, pitong bala at bundles ng boodle money.