Sa pangunguna ni Lebron James, wagi ang Lakers laban sa Phoenix Suns sa iskor na 131-113.
Nagtala ng 19 points, seven rebounds at 10 assists si James habang 23 points naman ang iniambag ni Lance Stephenson.
Masaya ang pakiramdaman ni James sa naging performance ng kanyang koponan na nais niya anyang maipagpatuloy sa mga susunod na laro.
Samantala, kumubra naman ng 51 puntos si Stephen Curry para pangunahan ang Golden State Warriors laban sa Washington Wizards.
Pinakain ng koponan ng alikabok ang kalaban sa iskor na 123-103.
Wagi naman ang Utah Jazz laban sa Houston Rockets sa iskor na 100-89 habang panalo ang Indiana Pacers kontra San Antonio Spurs sa iskor na 116-96.