Surigao Del Norte at Davao Oriental niyanig ng lindol

Magkasunod na pagyanig ang naitala sa lalawigan ng Surigao Del Norte at Davao Oriental.

Unang niyanig ng magnitude 3.0 na lindol ang bayan ng Malimono sa Surigao Del Norte.

Ayon sa Phivolcs, naitala ang pagyanig sa 7 kilometers Northwest ng Malimono 2:18
umaga ng Martes October 23 at may lalim na 29 kilometers.

Niyanig naman ng magnitude 3.5 na lindol ang bayan ng Governor Generoso sa
lalawigan ng Davao Oriental alas 2:29 ng madaling araw.

Naitala ang pagyanig sa 167 kilometers Southeast ng Governor Generoso at may lalim na 44 kilometers.

Tectonic ang origin ng dalawang pagyanig .

Wala namang naitalang intensities, aftershocks at pagkasira ng mga ari-arian bunsod ng dalawang lindol.