Bagong DSWD Sec. Rolando Bautista pormal nang nanungkulan ngayong araw

Nagsagawa na ng turn over ceremony para sa bagong kalihim ng Department of Social Welfare and Development (DSWD).

Sa isinagawang seremonya, isinalin ni dating DSWD Acting Chairperson Virginia Orogo kay bagong DSWD Sec. Rolando Joselito Bautista ang DSWD flag.

Bilang simbolo din ng pamumuno sa pagbibigay serbisyo sa DSWD, binigyan ng DSWD vest si Bautista.

Ito rin ang unang pagdalo ni Bautista sa flag raising ceremony bilang kalihim ng DSWD.

Sa kaniyang talumpati, sinabi ni Bautista na malaking hamon para sa kaniya ang pagkakatalaga sa naturang pwesto.

Hiniling din niya ang pakikipagtulungan ng lahat ng empleyado ng ahensya para ganap na mapaglingkuran ang mamamayan.