Mandatory drug testing sa 2019 poll candidates, dapat amyendahan ang konstitusyon – Panelo

Nanindigan ang Palasyo ng Malakanyang na kailangang amyendahan muna ang konstitusyon kung ipipilit na isalang sa mandatory drug test ang mga kakandidato sa national level sa 2019 elections.

Sa panayam ng Radyo Inquirer, sinabi ni Presidential spokesman Salvador Panelo na malinaw ang naging desisyon ng Kataas-taasang hukuman na tanging ang mga kandidato sa lokal na posisyon lang ang obligado na sumalang sa drug test habang voluntary naman sa mga kakandidato sa national level.

Hindi naman kasi aniya maaring labagin ang konstitusyon para lamang mapagbigyan ang hirit ng iilan na isalang sa drug test ang mga kandidato.