Pamilya ng Pinoy basketball legend na si Loreto Carbonell hinahanap ng PSC

Gamit ang social media hinahanap ng Philippine Sports Commission (PSC) ang pamilya ng Pinoy basketball legend na si Loreto Carbonell.

Sa post ng PSC sa Facebook at Twitter, humingi ito ng tulong sa netizens para mahanap ang pamilya ni Carbonell upang maigawad ang Hall of Fame Award para dito.

Si Carbonell ay may malaking naiambag sa kasaysayan ng basketball sa Pilipinas lalo na noong 1954 FIBA World Championship kung saan nanalo ng bronze ang bansa.

Gayundin noong 1958 Asian Games sa Tokyo na nakapag-uwi naman ng gintong medalya ang Pilipinas.

Noong Setyembre 2017 nasawi si Carbonell sa edad na 84 matapos atakihin sa puso.