5 patay sa karambola ng mga sasakyan sa Albay

(UPDATE) Lima na ang patay sa karambola ng mga sasakyan na naganap sa Daraga, Albay, Biyernes (Oct. 19) ng umaga.

Sangkot sa aksidente ang pampasaherong jeep, dalawang truck, dalawang pribadong sasakyan at isang motorsiklo.

Sa mga larawang ibinahagi sa Facebook page ng Albay Public Information Office, isang lalaki ang makikitang pumailalim pa sa isang jeep.

Sa lakas din ng pagkakabangga, tumagilid ang isa sa dalawang truck na sangkot sa aksidente.

Pinaiimbestigahan na ni Albay Governor Al Francis Bichara sa mga otoridad kung ano ang naging sanhi ng aksidente na naganap sa bahagi ng Barangay Busay.