Lalaking bihag ng Abu Sayyaf pinalaya na sa Sulu

Pinalaya na ng mga miyembro ng Abu Sayyaf Group ang isa nitong bihag sa Jolo, Sulu.

Nakilala ang pinalayang bihag na si Rufo Roda na nailigtas ng pinagsanib na puwersa ng Joint Task Force Sulu, 101st Brigade ng Philippine Army at Military Intelligence 26 at 9 sa downtown Jolo.

Dinukot ang biktima kasama ang kanyang asawa noong Aug 31, 2018 sa Piakan, Sirawi, Zamboanga del Norte.

Nabatid na nakipag-negosasyon sa ASG ang isang alyas Al at napagkasunduang magbayad ng P1.2M kapalit ng kalayaan ng mag-asawa.

Matapos makapagbayad ng ransom ang lalaking Roda lamang ang pinakawalan ng mg kidnapper at naiwan ang asawa nito.

Dinala na sa Zamboanga City ang pinalayang bihag debriefing.