Mga manggagawa sa Region 10 may dagdag-sweldo mula sa Nobyembre

Epektibo sa buwan ng Nobyembre ang dagdag na P35 sa minimum wage ng mga empleyado sa Region 10.

Nangangahulugan ito na magiging P365 na ang sweldo para sa mga non-agricultural workers.

Sa agricultural workers naman sa Cagayan De Oro, Iligan at ilang bayan sa Misamis Oriental ay magiging P353 na ang minimum wage.

Habang sa mga non-agricultural workers sa Malaybalay, Valencia City, Gingoog, El Salvador, Ozamiz, Opol, Maramag, Quezon, Manolo Fortich, at Lugait ay P358 ang magiging minimum wage at P346 para sa agricultural workers.

Sa Oroquieta, Tangub, Laguindingan, Mambajao, at Balingasag ang mga non-agricultural workers ay susweldo na ng P350 habang ang mga agricultural workers ay P338.