Timbog ang dalawang suspek matapos magsagawa ng buy bust operation ang pulisya sa ilalim ng MRT North EDSA Station sa Lungsod Quezon.
Nakilala ang mga suspek na sina John Germie Gamboa alyas John Rey, 22 taong gulang; at Robert Sidera alyas Obet, 19 na taong gulang at isang mag-aaral sa Technological University of the Philippines (TUP).
Narekober ng mga otoridad mula sa dalawa ang 16 na sachet ng shabu at isang cellphone na kanilang gamit sa mga transaksyon.
Mahaharap ang dalawa sa kasong paglabag sa Republic Act 9165 o Comprehensive Dangerous Drugs Act of 2002.
MOST READ
LATEST STORIES