Patay ang isang babae makaraang tumalon umano mula sa mataas na bahagi ng Sanctuarium na matatagpuan sa kanto ng Araneta at Quezon Avenue sa Quezon City.
Ang biktima ay kinilalang sa pangalang Clarice, 15 years old at isang estudyente na taga-Sto. Domingo, sa lungsod Quezon.
Nang mangyari ang sinasabing “suicide”, ang biktima ay nakasuot ng puting pang-itaas at maong na shorts.
Batay sa inisyal na imbestigasyon ng Galas Police Station, tumalon ang biktima mula sa 10th floor ng Sanctuarium na nagresulta sa kamatayan niya.
Base naman sa ilang saksi, nangyari ang insidente sa pagitan ng 11:30 ng umaga at 12:00 ng tanghali.
Titingnan naman ng mga imbestigador kung nahagip ng CCTV ang lugar nang mangyari ang insidente.
MOST READ
LATEST STORIES