Personal na ikakampanya ni Pangulong Rodrigo Duterte si Cabinet Secretary Leoncio Evasco na tatakbong gobernador ng Bohol.
Sa panayam ng Radyo Inquirer, sinabi ni Evasco na ngumiti lamang ang pangulo nang magpaalam siya na kakalas na sa gabinete para kumandidato.
Paliwanag ni Evasco, kaya siya nagpasyang iwanan ang pangulo para magdala ng pagbabago sa Bohol.
Matagal na panahon aniya niyang pinag-isipan ang pagsabak sa pulitika.
Ayon kay Evasco, mag-uusap pa sila ni Pangulong Duterte sa susunod na linggo para magsumite ng pormal na resignation letter.
Bago naging cabinet secrtary, naging rebelde at naging mayor ng Maribojoc si Evasco.
MOST READ
LATEST STORIES