Panukulan, Quezon niyanig ng lindol; pagyanig naramdaman sa ilang bahagi ng Metro Manila

(UPDATE) Niyanig ng magnitude 4.6 na lindol ang bayan ng Panukulan sa lalawigan ng Quezon.

Naitala ang lindol sa 74 kilometers north west ng Panukulan alas 9:56 ng umaga ng Lunes, Oct. 15.

Ayon sa Phivolcs, 1 kilometer lang ang lalim ng lindol at tectonic ang origin nito.

Makalipas naman ang ilang minuto, ibinaba ng Phivolcs sa 4.3 ang magnitude ng lindol.

Naitala ng Phivolcs ang Intensity III sa Quezon City at Intensity I sa Mauban, Quezon bunsod ng nasabing pagyanig.