Notoryus na holdaper patay matapos manlaban sa mga pulis sa QC

Napatay ng Special Drug Enforcement Unit (SDEU) ng Quezon City Police District (QCPD) Station 4 ang hinihinalang notorious na holdaper at pusher sa isang buy-bust operation sa San Martin Dulo, Villareal, Brgy. Gulod, Novaliches.

Pinangunahan ni PSI Dennis P. Francisco ang buy bust operation laban sa napatay na suspek na kinilalang si Cesar Arive Jr. alyas “Lupin” na nauwi sa ekwentro na kaagad ikinamatay ng suspek.

Nakuha sa slingbag ng suspek ang ilang gramo ng shabu at marijuana na nakalagay sa maliit na plastic sachet, at kalibre 38 na ginamit nito nang makipagbarilan sa mga pulis.

Ayon kay Station 4 Commander Supt. Rossel Cejas, nasa drug watchlist ng Brgy. Gulod at notorius na robbery snatcher Lupin sa area ng Novaliches.