Uupo bilang bagong pinuno ng Bureau of Corrections o BuCor si Office of Civil Defense deputy administrator Nicanor Faeldon.
Pinalitan ni Faeldon si dating PNP Chief Ronald “Bato” Dela Rosa na naghain na ng kanyang certificate of candidacy sa Comelec.
Gustong mahalal bilang senador ni Dela Rosa sa 2019 elections.
Kinumpirma ni Justice Sec. Menardo Guevarra ang pagtalaga ni Pangulong Rodrigo Duterte kay Faeldon at aniya wala itong problema sa kanya.
Dagdag pa ni Guevarra hihintayin na lang ang komento ng Civil Service Commission ukol sa appointment kay Faeldon.
Ang pamumuno ni Faeldon sa BuCor ang pang-tatlong puwesto na niya sa administrasyong Duterte.
Una siyang naitalaga bilang commission ng Bureau of Customs bago siya inilipat sa OCD.