Magkahiwalay na pagyanig naitala sa Davao Oriental at Cam Sur

Naitala ang magkahiwalay na pagyanig sa Davao Oriental at Camarines Sur hatinggabi ng Biyernes.

Alas-12:00 ng hatinggabi ng maganap ang magnitude 3.0 na lindol sa Governor Generoso, Davao Oriental.

Ang episentro ng lindol ay sa layong 114 kilometro Timog-Silangan ng Governor Generoso.

May lalim itong 25 kilometro.

Alas-12:37 naman nang tumama ang magnitude 3.6 na lindol sa Camarines Sur.

Ang episentro ng lindol ay sa layong 11 kilometro Timog-Kanluran ng Lupi.

May lalim itong apat na kilometro.

Tectonic ang dahilan ng mga pagyanig at hindi naman inaasahan ang aftershocks.

Wala ring inaasahang pinsala sa mga ari-arian.