Magnitude 3.5 na lindol yumanig sa Davao Occidental

Niyanig ng isang magnitude 3.5 na lindol ang bayan ng Jose Abad Santos sa lalawigan ng Davao Occidental gabi ng Lunes.

Batay sa impormasyon mula sa PHIVOLCS, naganap ang lindol alas-10:54 ng gabi.

Naitala ang episentro ng pagyanig sa 48 kilometro timog silangan ng Jose Abad Santos.

May lalim ang lindol na 137 kilometro at tectonic ang pinagmulan nito.

Pagtitiyak ng PHIVOLCS, walang idudulot na pagkasira sa mga ari-arian, o aftershocks ang naturang pagyanig.