M4.5 na lindol yumanig sa Camarines Sur

(Updated as of 1:00am) Niyanig ng magnitude 4.5 na lindol ang bahagi ng Camarines Sur alas-10:15 Sabado ng gabi.

Ayon sa Phivolcs, ang episentro ng lindol ay sa layong 22 kilometro Hilagang-Kanluran ng Pasacao.

May lalim itong tatlong kilometro.

Naitala ang intensity II sa Sipocot at Libmanan, Camarines Sur habang intensity I naman sa Milaor, Camarines Sur.

Tectonic ang dahilan ng pagyanig at hindi naman inaasahan ang aftershocks.

Hindi rin inaasahan ang pinsala sa mga ari-arian.