Maliban sa mga nasawi mayroong dalawang iba pang nasugatan sa insidente na naganap sa Barangay Malna.
Ayon sa mga pulis, ang limang nasawi ay sina Kenneth Tabulo, Kristine Mae Torlao, Lores Joy Amar, Binzo Dipolla at Diobel Pacinio, habang sugatan naman sina PDEA agent Rachel Gentapanan at non-uniformed personnel ng Tagoloan Municipal Police Station na si Normina Dicay.
Ang pito ay sakay ng van patungo sa Marawi City nang sila ay pagbabarilin nang hindi pa nakilalang mga suspek.
Galing umano ang pito sa isang aktibidad para sa mga drug surrenderer sa Tagoloan police station.
Nagsasagawa na ngayon ng hot pursuit operations ang pinagsanib na pwersa ng Tagoloan at Kapai municipal police stations para madakip ang mga salarin.
Inaalam pa din kung ano ang motibo sa pananambang.