M3.4 na lindol tumama sa Davao Occidental

Niyanig ng isang magnitude 3.4 na lindol ang bayan ng Sarangani sa Davao Occidental, madaling araw ng Miyerkules.

Ayon sa PHIVOLCS, naganap ang lindol kaninang ala-1:05 ng madaling araw.

Naitala ang episentro ng pagyanig sa 133 kilometro timog-silangan ng nasabing bayan.

May lalim itong 11 kilometro at tectonic ang pinagmulan.

Wala namang inaasahang anumang pagkasira sa mga ari-arian o aftershocks ang naturang lindol.