Malakanyang, nakiramay sa mga biktima ng lindol at tsunami sa Indonesia

Nakiramay ang Palasyo ng Malakanyang sa mga daan-daang nasawi sa Central Sulawesi, Indonesia.

Ito ay bunsod ng pagtama ng magnitude 7.5 na lindol at sinundan pa ng tsunami sa nasabing lugar noong Biyernes, September 28, 2018.

Ayon kay Presidential spokesman Harry Roque, kasama ng Indonesia ang Pilipinas sa pag-aalay ng dasal sa mga biktima.

Batay aniya sa impormasyon ng Department of Foreign Affairs (DFA), ligtas ang nag-iisang Pilipino na nananatili sa lugar.

Sinabi rin ni Roque na handang mag-abot ng anumang tulong ang Pilipinas sa Indonesia.