Bigtime oil price hike ipatutupad na naman sa susunod na linggo

Sa ikaapat na linggo sa pagpasok ng ‘ber months,’ muling madadagdagan ang presyo ng mga produktong-petrolyo.

Ang ipapatupad na oil price hike sa susunod na linggo ang ika-walong sunod na.

Base sa trading ng langis mula noong Lunes hanggang kahapon, tinataya na P0.77 hanggang P0.91 ang itataas ng kada litro ng gasolina.

Samantala, ang pagtaas sa presyo ng bawat litro ng krudo o diesel ay tinatayang P1.34.

P1.09 naman ang maaring idagdag sa bawat litro ng kerosene o gaas.

Maari pang magbago ang tinatayang dagdag sa halaga ng produktong petrolyo depende sa magiging bentahan ng imported na langis ngayon araw.