Mga hukom ng Makati Court, nagcourtesy call kay CJ De Castro

Nagcourtesy call kay Chief Justice Teresita Leonardo De Castro kahapon ang ilang mga hukom ng Makati Court kabilang na ang dalawang judge na may hawak sa kasong isinampa laban kay Sen. Antonio Trillanes IV.

Naganap ang courtesy call hapon ng Huwebes dahilan para suspendihin ang mga nakatakdang pagdinig ng mga hukom.

Kabilang sa mga sumama si Makati RTC Branch 148 Judge Andres Soriano na hindi pa naglalabas ng ruling sa kaso laban kay Trillanes na may kinalaman sa kudeta.

Nasa promulgation stage ang korte tungkol sa kaso.

Kasama rin si Makati RTC Branch 150 Judge Elmo Alameda sa mga nagcourtesy call kay De Castro.

Matatandaang si Alameda ang hukom na naglabas ng warrant of arrest laban kay Trillanes sa kaso namang may kaugnayan sa rebelyon noong 2007 Manila Peninsula siege.