Korean national, 2 iba pa arestado sa buy-bust sa Cebu City

Arestado ang tatlong katao kabilang ang isang Korean national sa ikinasang anti-illegal drug operation sa Barangay Carreta sa Cebu City.

Ayon kay Sr. Insp. Gulaberto Oroc, deputy commander ng Waterfront Police Station, kinilala ang mga naaresto na sina Patrick Aringue, 35 anyos; Gilbert Pedrano, 46 anyos at ang Korean national na si Seo Yong Ho, 38 anyos.

Nakumpiska mula sa tatlo ang 60 gramo ng hinihinalang shabu na nagkakahalaga ng P708,000.

Si Aringue ang target ng operasyon dahil sa natanggap na ulat ng mga pulis na sangkot ito sa illegal drug activities.

Nang isagawa ang operasyon, nadatnan sa bahay ni Aringue si Seo at si Pedrano.