Bagyong Paeng patuloy na humihina

Patuloy sa paghina ang Typhoon Paeng habang ito ay mabagal na kumikilos ng pa-Hilaga.

Sa latest weather bulletin ng PAGASA, huling namataan ang bagyo sa 735 kilometers East ng Basco Batanes. 10 kilometro lang ang nabago sa pwesto ng bagyo kumpara sa lokasyon nito kaninang alas 3:00 ng madaling araw.

Ito ay dahil sa napakabagal na kilos ng bagyo sa direksyong pa-Hilaga.

Taglay ng bagyo ang lakas ng hanging aabot sa 160 kilometers bawat oras malapit sa gitna at pagbugsong aabot sa 195 kilometers bawat oras.

Sa Biyernes ayon sa PAGASA ay maaring magdulot ang bagyong Paeng ng hanggang katamtamang lakas ng ulan sa Northern luzon.

Sa Sabado naman inaasahang lalabas na ito ng bansa.