Pitong tauhan ng MRT ang nasugatan sa nagsalpukang maintenance vehicles

Iniimbestigahan na ng pamunuan ng Metro Rail Transit (MRT-3) ang naganap na salpukan ng dalawa nilang maintenance vehicles na unimogs.

Ang salpukan ng unimogs ay naganap sa pagitan ng Buendia at Guadalupe stations na naging dahilan ng pagkakaantala ng biyahe ng MRT-3 kaninang umaga.

Ayon sa pamunuan ng MRT-3, pitong tauhan nila na pawang lalaki ang ginagamot ngayon sa ospital dahil sa naturang aksidente.

Hindi pa binanggit ng MRT-3 kung ano ang kondisyon ng anim.

Nangyari ang insidente pasado alas 3:00 ng madaling araw kung saan isinasagawa ng dalawang unimogs ang routine inspection bago magsimula ang serbisyo ng mga tren.