Inanunsyo na ng Liberal Party ang unang tatlong kandidato nito para sa kanilang line-up sa 2019 elections.
Kabilang sa tatlo sina Senator Bam Aquino, dating Rep. Lorenzo Tañada at si Atty.Jose Manuel Diokno.
Sila ang unang tatlong kandidato na bubuo sa senatorial ticket ng LP sa 2019 midterm elections.
Ginawa ni Rep. Miro Quimbo ang pag-aanunsyo sa idinaos na National Executive Council Meeting ng LP sa Barangay Loyola Heights sa Quezon City.
Isang resolusyon ang ipinasa at inaprubahan ni LP President at Senator Francis Pangilinan kung saan pinapangalanan ang tatlong kandidato ng partido.
Si Aquino ay kasalukuyang senador para sa kaniyang unang termino sa senado habang kapwa first-timer naman sa senatorial race sina Tañada at Diokno.