Jackpot prize sa PCSO Ultra Lotto aabot sa P677M

Inaasahan na aabot o hihigit pa sa P677 milyon ang jackpot prize sa Ultra Lotto 6/58 ngayong araw.

Sinabi ni PCSO Gen Manager Alex Balutan, pitong buwan nang walang tumatama sa jackpot ng Ultra Lotto.

Aniya Pebrero pa ng tamaan ng dalawang lotto aficionado ang P331.9 milyon ng 6/58 lotto.

Sa kasaysayan ng lotto sa bansa ang pinakamalaking jackpot prize ay P741.1 milyon sa Grand Lotto 6/55 na nasungkit noong November 2010.

Banggit pa ni Balutan na ngayon taon ang benta nila sa Ultra Lotto ay umaabot na sa P3.1 bilyon.

Aniya sa bawat taya sa lotto, 30 porsiyento ang napupunta sa kawanggawa.