Anim na ang patay sa lalawigan ng Cagayan sa pananalasa ng bagyong Ompong.
Sa panayam ng Radyo Inquirer sinabi ni Cagayan Gov. Manuel Mamba, matapos magpasukan ang mga ulat sa mga bayan na tinamaan ng bagyo, nakapagtala na sila ng anim na nasawi.
Sa bayan ng Iguig, nasawi ang mag-asawang senior citizen matapos madaganan ng puno ang kanilang bahay.
Dalawa din sa bayan ng Baggao ang nasawi na kinilalang sina Rosalina Dela Cruz, 72 anyos at Petring Moises, 83 anyos.
Sa mga bayan ng Penablanca at Gonzaga ay mayroon ding tig-isang naitalang nasawi.
MOST READ
LATEST STORIES