Gr. 7 student pinaghahanap matapos maanod ng tubig sa San Mateo River

Isang Grade 7 student ang patuloy na pinaghahanap matapos anurin ng malakas na agos ng tubig sa San Mateo River sa lalawigan ng Rizal.

Ang bata ay residente ng Brgy. Bagong Silangan sa Quezon City.

Ayon sa impormasyon mula sa barangay, tatlong magkakaibigan ang nagkakayaan na maligo sa ilog kahapon sa boundary ng Bagong Silangan at San Mateo.

Pero sa lakas ng agos ng tubig, tinangay ang estudyante at hindi na nakaahon.

Ligtas naman ang dalawang iba pa.

Maliban sa ilog ng San Mateo nagsasagawa din ng search and rescue operation ang mga opisyla ng barangay sa Marikina River sa pag-asang mahanap pa ang binatilyo.