Thunderstorm advisory itinaas ng PAGASA Metro Manila at mga kalapit na lalawigan

Nagpalabas ng thunderstorm advisory ang PAGASA sa Metro Manila at mga kalapit na lalawigan.

Sa abiso ng PAGASA, alas 8:16 ng umaga, malakas na buhos ng ulan na mayroong kaakibat na pagkulog at pagkidlat ang nararanasan sa Nueva Ecija at Bulacan.

Sa susunod na dalawang oras naman makararanas ng mahina hanggang sa katamtamang pag-ulan sa Metro Manila, Quezon, Rizal, Batangas, Cavite, Laguna, Nueva Ecija at Tarlac.

Ayon sa PAGASA ang nararanasan na pag-ulan ay maaring magdulot ng flash floods sa mabababang lugar.