Itutuloy na bukas, araw ng Lunes, September 17, ng Land Transportation Franchising and Regulatory Board (LTFRB) ang pamamahagi ng mga fuel cards sa mga driver at operator ng jeep.
Sa isang pahayag, sinabi ng LTFRB na mula September 17 hanggang 18 maaaring i-claim ang Pantawid Pasada cards sa Bulwaggang Edu sa LTO East Avenue, Quezon City, mula alas-8 ng umaga hanggang alas-5 ng hapon.
Para naman sa mga hindi makukuha ang kanilang fuel card, sinabi ng LTFRB na mag-iikot ang kanilang team sa iba’t ibang mga lugar sa Metro Manila para sa Pantawid Pasada Caravan.
Ito ay sa mga sumusunod:
– September 19-20, Alabang, Muntinlupa City (exact venue TBA)
– September 21, Ynares Center, Antipolo, Rizal
– September 24, Marikina (exact venue TBA)
– September 25-26, Malabon (exact venue TBA)
– September 27-28, LTO East Avenue, Quezon City