Licensure Examination for Physicians sinuspinde dahil sa bagyong Ompong

Kinansela na ng Professional Regulation Commission o PRC at ng Professional Regulatory Board of Medicine ang naka-schedule na Physicians Licensure Examination (PLE) bukas, araw ng Sabado, Sept. 15 at sa Sept. 16 araw ng Linggo.

Sa abiso sa publiko, sinabi ng PRC na hindi na muna itutuloy ang nasabing pagsusulit na gaganapin sa Maynila, Baguio, Cebu at Davao.

Ito ay dahil sa epekto ng bagyong Ompong.

Ayon sa PRC base sa pinakahuling weather forecast ng PAGASA ay maaapektuhan ng Ompong ang Baguio City na kabilang sa venue ng pagsusulit.

Iaanunsyo na lamang ng PRC kung kailan muli itatakda ang PLE.