1 ang patay, 10 sugatan sa gas explosions sa Boston

Nakapagtala na ng isang nasawi at 10 naman ang nasugatan sa naganap na gas explosions na sinundan ng sunog sa Northern Boston.

Ayon sa mga otoridad, nasawi ang isang lalaki na nakilalang si Leonel Rondon matapos na mabagsakan ng debris ng chimney ang kotse nito.

Sinabi ni Gov. Charlie Baker, 10 iba pa ang nasugatan sa insidente.

Naganap ang pagsabog sa hindi bababa sa 17 mga residential areas sa sa lugar dahil sa over-pressurized natural gas lines.

Ayon sa kumpanyang Columbia Gas na nagmamay-ari ng linya, nagsagawa agad sila ng safety checks matapos ang serye ng pagsabog.

Wala namang paliwanag ang kumpanya kung ano talaga ang naging dahilan ng insidente.