Dam sa Zamboanga City umabot na sa critical level

Umabot na sa critical level ang Pasonanca diversionary dam sa Zamboanga City.

Sa abiso ng Zamboanga City Water District (ZCWD) nasa 76.60 meters na ang antas ng tubig sa dam na maituturing nang critical dahil ang normal level nito ay 74.20 meters lamang.

Dahil dito ipinag-utos n ani Zamboanga City Mayor Beng Climaco sa mga residente na naninirahan sa mabababang lugar na lumikas na sa mas ligtas at mataas na lugar.

May response teams na rin mula sa City Disaster Risk Reduction and Management Office para puntahan ang mga lugar na maituturing na flood prone para magsagawa ng rescue operations.