Runway sa Narita Airport isinara dahil sa bomb scare

Nagdulot ng aberya sa Narita airport sa Japan ang isang bagay na pinaghinalaang bomba.

Isinara ang isa sa dalawang runway ng paliparan makaraang may makitang pampasabog.

Ayon sa mga opisyal ng paliparan, nagsasagawa ng drilling work sa bahagi ng airport nang makita ng mga manggagawa ang tinawag nilang “unexploded shell”.

Agad namang rumesponde ang mga pulis at inalis sa lugar ang nasabing bagay.

Tatlong oras na isinara ang runway pero hindi ito nagdulot ng kanselasyon ng mga biyahe dahil gumagana pa rin ang isang runway.