Pang. Duterte pangungunahan ang command conference para sa Typhoon Ompong

Isang command conference ang ipinatawag ngayong araw ng Huwebes, Sept. 13, ni Pangulong Rodrigo Duterte.

Ito ay para sa bagyong Ompong.

Base sa abiso ng Malakanyang, gaganapin ang command conference alas 3:00 ng hapon sa National Disaster Risk Reduction and Management Council (NDRRMC) Operations Center sa Camp Aguinaldo sa Quezon City.

Susundan naman ito ng joint AFP-PNP Command Conference na ngaganapin sa Malakanyang alas 4:00 ng hapon.

Nakatakda sanang magtungo ang pangulo ngayong araw sa Limay, Bataan para sa Test Firing of Spike Extended Range sa BRP Davao del Sur subalit kinansela na ito.